HUMO 2026 YANGI YIL KAMPANIYASINI ISHLAB CHIQISH VA AMALGA OSHIRISH UCHUN PUDRATCHI TASHKILOTNI TANLASH BO‘YICHA OCHIQ TANLOV E’LONI
“MBPM” AJ HUMO 2026 Yangi yil kampaniyasining kreativ konsepsiyasini ishlab chiqish, tashkil etish va o‘tkazish bo‘yicha pudratchi tashkilotni tanlash uchun ochiq tanlov e’lon qiladi.
Loyihaning asoslanishi
2026-yilgi Yangi yil davriga tayyorgarlik doirasida HUMO brendining tanilish darajasini mustahkamlash, foydalanuvchilarning faolligini oshirish hamda hamkor banklar, to‘lov tashkilotlari, biznes vakillari va keng jamoatchilik bilan o‘zaro hamkorlikni rivojlantirishga qaratilgan kompleks reklama-kommunikatsiya kampaniyasini o‘tkazish rejalashtirilmoqda.
Loyihani amalga oshirish uchun kreativ konsepsiyalarni ishlab chiqish, reklama kampaniyalarini tashkil etish va tadbirlarni o‘tkazish bo‘yicha zarur tajribaga ega bo‘lgan professional pudratchi tashkilotni jalb etish nazarda tutilgan.
Tanlovning maqsadi
HUMO 2026 kompleks Yangi yil kampaniyasini belgilangan maqsad va vazifalar hamda brendning korporativ standartlariga muvofiq ishlab chiqish va amalga oshirish uchun zarur kompetensiyalar, kadrlar va texnik resurslarga ega bo‘lgan professional pudratchi tashkilotni tanlash.
Tanlov predmeti
Tender jarayoni doirasida quyidagi ishlarni amalga oshirish nazarda tutiladi:
- HUMO 2026 Yangi yil kampaniyasining yagona kreativ konsepsiyasini ishlab chiqish;
- raqamli va oflayn kommunikatsiya kanallari uchun vizual konsepsiya va dizayn materiallarini tayyorlash;
- yakuniy Yangi yil tadbiri ssenariysini ishlab chiqish va tadbirni tashkil etish;
- reklama, axborot va tabrik materiallarini ishlab chiqarish;
- ijtimoiy tarmoqlar, raqamli platformalar va boshqa kommunikatsiya kanallari uchun kontent tayyorlash;
- zaruratga ko‘ra, interaktiv faolliklar va sovrinli o‘yinlarni o‘tkazishni o‘z ichiga olgan foydalanuvchilarni jalb etish mexanizmini ishlab chiqish;
- loyihani texnik, ijodiy va logistika jihatidan qo‘llab-quvvatlashni tashkil etish;
- bajarilgan ishlar va kampaniya natijalari bo‘yicha yakuniy hisobot tayyorlash.
Loyihani amalga oshirishning dastlabki muddatlari
- Ishlarning boshlanishi — 2026-yil oktabr.
- Kreativ konsepsiyani ishlab chiqish va kelishish — 2026-yil oktabr–noyabr.
- Asosiy kommunikatsion faolliklarni ishlab chiqarish va amalga oshirish — 2026-yil noyabr–dekabr.
- Yakuniy tadbirni o‘tkazish va kampaniyani yakunlash — 2026-yil dekabr – 2027-yil yanvar.
Tanlov ishtirokchilariga qo‘yiladigan talablar
Tanlovda shu kabi ko‘lamdagi loyihalarni amalga oshirish uchun zarur tajriba, resurslar va malakaga ega tashkilotlar ishtirok etishi mumkin.
Ishtirokchilar quyidagi talablarga javob berishi lozim:
- reklama, marketing va kommunikatsiya kampaniyalarini amalga oshirish bo‘yicha tasdiqlangan tajribaga ega bo‘lish;
- tadbirlarni tashkil etish va kreativ materiallar ishlab chiqarish tajribasiga ega bo‘lish;
- strategiya, dizayn, kontent ishlab chiqarish, reklama va tadbirlarni tashkil etish sohalarida malakali mutaxassislar jamoasiga ega bo‘lish;
- amalga oshirilgan loyihalar portfoliolarini hamda mavjud bo‘lsa, tavsiyanomalarni taqdim etish;
- taklif etilayotgan konsepsiya, uni amalga oshirish mexanizmi va ish rejasining tavsifini taqdim etish;
- ishlarning belgilangan muddatlarda va buyurtmachi talablariga muvofiq bajarilishini ta’minlash.
Ishtirokchilar tomonidan taqdim etiladigan hujjatlar va materiallar ro‘yxati:
- Belgilangan shakl bo‘yicha tanlovda ishtirok etish uchun ariza.
- Ro‘yxatdan o‘tganlik va ta’sis hujjatlari, shuningdek, OKED (Iqtisodiy faoliyat turlari umumdavlat tasniflagichi) bo‘yicha ma’lumotlar.
- Havolalar va mavjud bo‘lsa, tavsiyanoma xatlari ilova qilingan holda amalga oshirilgan loyihalar portfoliolari.
- Asosiy mutaxassislarning lavozimlari va rezyumelari ko‘rsatilgan loyiha jamoasi tarkibi.
- So‘nggi ikki yil uchun moliyaviy hisobot va qarzdorlik mavjud emasligi to‘g‘risidagi ma’lumotnoma.
- Taklif etilayotgan kreativ konsepsiya va loyihani amalga oshirish yondashuvining tavsifi.
- Kampaniyaning dastlabki vizual materiallari yoki konsept-dizayni.
- Asosiy bosqichlar va muddatlar ko‘rsatilgan loyihani amalga oshirish rejasi.
- Ishlar va xizmatlar qiymati batafsil ko‘rsatilgan tijorat taklifi.
- Kafolat xatlari, shuningdek, maxfiylik shartlariga, buyurtmachi talablariga rioya etish va yaratilgan materiallarga bo‘lgan huquqlarni topshirishni tasdiqlovchi hujjatlar.
Tanlovni o‘tkazish shakli:
Ochiq tanlov.
Tijorat takliflarini topshirish muddati:
2026-yil 23-oktabr kuni yakuniga qadar.
Arizalarni topshirish tartibi:
Tijorat takliflari, kreativ konsepsiyalar, texnik yechimlar va ilova hujjatlari elektron shaklda quyidagi manzil orqali qabul qilinadi: tender@nmpc.uz.
