HUMO kompaniyasining Tashkent City Mall savdo markazidagi pop-up hududini tayyorlash va montaj qilish uchun pudratchilarni dastlabki saralash
“Milliy banklararo protsessing markazi” AJ Tashkent City Mall savdo-ko‘ngilochar markazining “Kelajak” atriumida HUMO brend pop-up hududini tashkil etish bo‘yicha ikki bosqichli tanlovning birinchi — malaka saralash bosqichini e’lon qiladi.
Ishtirokchilardan korxona ma’lumotlari, tajribasi, amalga oshirilgan loyihalari, ishlab chiqarish imkoniyatlari, xodimlari va savdo markazi talablariga rioya qilishga tayyorligi haqidagi hujjatlar so‘raladi. Subpudratchilarni jalb qiluvchi agentliklar ham qatnashishi mumkin; asosiy ishtirokchi ishlar uchun javobgar bo‘ladi.
Ushbu bosqichda yakuniy texnik topshiriq va tasdiqlangan vizual loyiha berilmaydi, narx taklifi talab etilmaydi. Ikkinchi bosqich hujjatlari saralashdan o‘tgan ishtirokchilarga taqdim etiladi.
Hujjatlarni topshirish muddati: 2026-yil 12-oktabr, soat 18:00 gacha (Toshkent vaqti).
