«Asaka» bank mamlakatimiz moliyaviy xizmatlar bozorida 21 yildan ortiq vaqt davomida faoliyat ko’rsatib kelmoqda. Bank 1995 yilda tashkil etilgan. Aksiyadorlari — O’zbekiston Respublikasi Moliya vazirligi, «O’zavtosanoat» Aksiyadorlik Kompaniyasi, O’zbekiston Respublikasining tiklanish va taraqqiyot jamg’armasi, «Olmaliq TMK» AJ, «Buxoro NQZ» UK, «O’zbekiston temir yo’llаri» DАK va boshqalar. «Asaka» bank tashqi iqtisodiy hamkorlikning faol ishtirokchisi. Mamlakatimiz iqtisodining strategik sohalarini rivojlantirishga bevosita xorijiy sarmoyalarni jalb etishga ko’maklashib kelmoqda. 350 dan ziyod yetakchi xorijiy banklar bilan vakillik munosabatlari o’rnatilgan.
