«MBPM» AJ HUMO quyidagi ochiq tanlovni e’lon qiladi: to‘lov tizimi HUMOni rivojlantirish, qo‘llab-quvvatlash va uning ishlashini takomillashtirish bo‘yicha konsultatsion, tahliliy va integratsion xizmatlarni ko‘rsatish uchun pudratchi tashkilotni tanlash.

Loyihaning asoslanishi:
Raqamli moliyaviy xizmatlar jadal rivojlanayotgan sharoitda to‘lov tizimining barqaror, xavfsiz va samarali ishlashini ta’minlash zarurati yuzaga kelmoqda. Shu sababli professional tashkilotni jalb etish ehtiyoji mavjud.

Loyihani amalga oshirish tizim faoliyatining samaradorligini oshirish, xizmatlarning uzluksiz ishlashini ta’minlash, tizim ishtirokchilari o‘rtasidagi jarayonlarni optimallashtirish, axborot xavfsizligi darajasini oshirish hamda xizmat sifatini yaxshilash imkonini beradi.

Shuningdek, loyiha tizimni qo‘llab-quvvatlash jarayonlarini takomillashtirish, zamonaviy texnologik yechimlarni joriy etish va HUMO to‘lov infratuzilmasini yanada rivojlantirishga qaratilgan.

Tanlov maqsadi:
To‘lov tizimlari va moliyaviy texnologiyalar sohasida konsultatsion, tahliliy va integratsion xizmatlar ko‘rsatish bo‘yicha tajribaga ega professional pudratchi tashkilotni tanlash.

Tanlov predmeti:
Tanlov doirasida quyidagi ishlar nazarda tutiladi:
— HUMO to‘lov tizimi ishlash jarayonlarini tahlil qilish;
— tizimni rivojlantirish va takomillashtirish bo‘yicha maslahat xizmatlari ko‘rsatish;
— yangi xizmatlar va texnologik yechimlarni integratsiya qilish;
— tizimni qo‘llab-quvvatlash va texnik xizmat ko‘rsatish;
— tahliliy materiallar va tavsiyalar tayyorlash;
— biznes-jarayonlarni optimallashtirish va avtomatlashtirishda ishtirok etish.

Ishtirokchilarga qo‘yiladigan talablar:
— to‘lov tizimlari bilan ishlash bo‘yicha tasdiqlangan tajriba mavjudligi;
— IT tizimlarni integratsiya qilish va qo‘llab-quvvatlash bo‘yicha kompetensiya;
— malakali texnik va tahliliy jamoa mavjudligi;
— amalga oshirilgan loyihalar portfeliga ega bo‘lish.

O‘tkazilish shakli:
Ochiq tanlov.

Tijorat takliflarini topshirish muddati:
2026-yil 4-iyun (shu jumladan) gacha.

Arizalarni topshirish tartibi:
Tijorat takliflari elektron shaklda quyidagi manzilga yuboriladi: tender@nmpc.uz