HUMOPay kontaktsiz toʼlovlar xizmati NFC texnologiyasi asosida ishlab chiqilgan. Ushbu toʼlov turidan foydalanish uchun smartfonda NFC texnologiyasi mavjud boʼlishi va u Android operatsion tizimida ishlashi kerak.
Mazkur texnologiyadan foydalanish uchun ushbu xizmatni joriy etgan tijorat bank ilovasini yuklab olish (yoki eng soʼnggi versiyasiga yangilash) va kartani telefonga ulash lozim. Bunda HUMO kartasi istalgan bankda ochilgan boʼlishi mumkin.
HUMOPay toʼlov texnologyaisi yordamida kartadan foydalanmagan holda, toʼlov uchun telefondan foydalanish imkoniyati yaratildi. Buning uchun mobil telefon Internetga bogʼlangan boʼlishi xam shart emas (faqat kartani ulagan paytda xolos), shu bois hatto metroda ham toʼlovni amalga oshirish mumkin. Terminal uni oddiy karta deb biladi.
Xozirgi kunda ushbu xizmat tijorat banklarining quyidagi ilovalarida mavjud: Uzum Bank, Joyda, Quant, Ipak yuli mobile, Asaka mobile, Myalliance, Agro mobile, Milliy.
