HUMO va IDEMIA Secure Transactions Yagona tokenizatsiya tizimini yaratish yo’lida sa’y-harakatlarni birlashtiradilar
HUMO milliy to’lov tizimi va “IDEMIA Secure Transactions” (IST) Fransiyaning Kurbevu shahrida HUMO yagona tokenizatsiya tizimini IST Token Platform asosida birgalikda yaratish bo’yicha o’zaro anglashuv memorandumini imzoladi. Ushbu hamkorlik O’zbekistonning raqamli to’lov infratuzilmasi rivojida yangi bosqichni boshlab beradi hamda mamlakatda yangi avlod to’lov yechimlari uchun texnologik asos yaratadi.
Memorandum tomonlarning xalqaro standartlarga mos keladigan to’lov texnologiyalarini birgalikda rivojlantirish niyatini belgilaydi. Hamkorlik doirasida HUMO va “IDEMIA Secure Transactions” – to’lov, aloqa va kiberxavfsizlik yechimlari bo’yicha global yetakchi – HUMO yagona tokenizatsiya tizimini yaratish ustida ishlaydi. Ushbu tizim raqamli to’lov xizmatlarini rivojlantirish va xalqaro to’lov ekotizimi bilan integratsiyani kengaytirish uchun asos bo’ladi.
Zamonaviy raqamli to’lovlar uchun asos yaratish
Loyiha HUMO’ga EMVCo xalqaro standarti va zamonaviy raqamli to’lov xavfsizligi talablariga mos keladigan kengaytiriladigan raqamli infratuzilma yaratish imkonini beradi. Platforma yangi raqamli xizmatlar, karta tokenizatsiyasi, xalqaro raqamli hamyonlar bilan integratsiya va HUMO kartalaridan foydalanishni kengaytirish uchun texnologik asos bo’ladi.
Yagona tokenizatsiya tizimi millionlab HUMO kartasi egalari uchun yangi imkoniyatlar ochadi. Loyiha xalqaro raqamli hamyonlar hamda smartfonlar, aqlli soatlar va boshqa qurilmalar orqali zamonaviy kontaktsiz to’lov usullaridan foydalanish uchun texnologik asos yaratadi – O’zbekistonda ham, uning tashqarisida ham.
«Raqamli to’lovlar HUMO strategiyasining muhim ustuvor yo’nalishlaridan biridir. “IDEMIA Secure Transactions” bilan hamkorlik xalqaro tajriba va texnologiyalarni birlashtirib, to’lov xizmatlarining keyingi bosqichi uchun yagona platforma yaratadi. Biz xalqaro standartlarga mos yechimlarni izchil joriy etib, banklar, hamkorlar va millionlab HUMO kartasi egalari uchun imkoniyatlarni kengaytirmoqdamiz», – dedi HUMO MBPM raisi o’rinbosari Dinar Samigullin.
O’zbekiston raqamli to’lov ekotizimini kengaytirish
“IST Token Platform” to’lov tizimlari va banklarga zamonaviy raqamli to’lov xizmatlarini joriy etishda yordam berish uchun ishlab chiqilgan. Yechim raqamli to’lov tokenlarini chiqarish va boshqarish imkonini beradi hamda mobil NFC to’lovlar, ilova ichidagi to’lovlar va onlayn to’lovlarni qo’llab-quvvatlaydi.
«Biz ushbu muhim bosqichda HUMO bilan hamkorlik qilayotganimizdan mamnunmiz. Birgalikda biz O’zbekistondagi foydalanuvchilar kutayotgan xavfsiz, ishonchli va uzluksiz to’lov tajribasini taqdim etish uchun to’lov kartalarini raqamlashtirmoqdamiz. Ushbu loyiha IST’ning raqamli to‘lovlarni rivojlantirish va moliyaviy ekotizimlarning uzoq muddatli transformatsiyasini qo’llab-quvvatlashga bo’lgan sadoqatini aks ettiradi», – dedi IDEMIA Secure Transactions kompaniyasining ijrochi vitse-prezidenti Anastasiya Serikova.
Yagona tokenizatsiya tizimini yaratish HUMO’ning zamonaviy raqamli to’lov infratuzilmasini rivojlantirish bo’yicha uzoq muddatli strategiyasida muhim bosqich hisoblanadi. Loyiha milliy to’lov tizimi imkoniyatlarini kengaytiradi, yangi raqamli xizmatlarni joriy etishni tezlashtiradi va xalqaro to’lov ekotizimi bilan integratsiya uchun texnologik asos yaratadi.
HUMO haqida
HUMO – O’bekiston Respublikasining milliy to’lov tizimi va mamlakat moliyaviy infratuzilmasining muhim qismidir. Tizim naqdsiz to’lovlar hajmini oshirishga xizmat qiladi, o’zining to’lov infratuzilmasini rivojlantiradi, zamonaviy texnologiyalarni joriy etadi hamda to’lovlardan foydalanish imkoniyatlarini kengaytiradi – jumladan QR-to’lovlar va transchegaraviy operatsiyalar orqali raqamli iqtisodiyotning barqaror o’sishini qo’llab-quvvatlaydi.
IDEMIA Group haqida
IDEMIA Group – butun dunyo bo’ylab 10 700 dan ortiq xodimga ega global texnologik yetakchi. Kompaniyaning ikki asosiy yo’nalishi jismoniy va raqamli muhitda o’zaro aloqalarni soddalashtiruvchi va himoyalovchi muhim yechimlarni taqdim etadi:
-
“IDEMIA Secure Transactions” (IST) – to’lovlar va ulanish jarayonlarini yanada xavfsiz va qulay qiluvchi yetakchi texnologik provayder. Kriptografiya va raqamli identifikatsiya yechimlari bo’yicha chuqur tajribaga ega “IST’ga” dunyo bo’ylab 2000 dan ortiq moliyaviy tashkilotlar, mobil operatorlar, avtomobil ishlab chiqaruvchilar va IoT provayderlari ishonadi. Har kuni “IST” milliardlab muhim tranzaksiyalar xavfsizligini ta’minlaydi.
-
“IDEMIA Public Security” (IPS) – 600 dan ortiq davlat tashkilotlari uchun biometrik xavfsizlik yechimlarini taqdim etuvchi ishonchli hamkor. Ko’p yillik tajribaga ega IPS sayohat, kirish nazorati va fuqarolarni himoya qilish uchun xavfsiz va qulay yechimlarni taqdim etadi.
Batafsil ma’lumot: www.idemia.com
Sayt: humocard.uz
Facebook: fb.com/humocard
Instagram: @humo_card
Telegram: t.me/humoofficial
LinkedIn: linkedin.com/humocarduz
