«Миллий банклараро процессинг маркази» АЖ (HUMO) HUMO бренд-персонажи (маскоти)нинг визуал концепциясини ишлаб чиқиш бўйича ҳамкорни танлаш мақсадида тендер ўтказилишини эълон қилади.
HUMO брендини ривожлантириш ва унинг ягона, таниб олинадиган қиёфасини шакллантириш доирасида брендинг, визуал концепциялар ишлаб чиқиш, бренд-персонажлар яратиш ҳамда креатив лойиҳаларни амалга ошириш бўйича профессионал тажриба ва салоҳиятга эга компаниялар ҳамда креатив агентликларни тендерда иштирок этишга таклиф қиламиз.
Тендерда иштирок этиш истагида бўлган компаниялар ташкилот номи, алоқа учун масъул шахс, телефон рақами ҳамда расмий электрон почта манзилини кўрсатган ҳолда иштирок этиш аризасини юборишлари лозим.
Ариза келиб тушгандан сўнг иштирокчиларга техник топшириқ ва тижорат таклифини тайёрлаш учун зарур бўлган маълумотларни ўз ичига олган тендер ҳужжатлари юборилади.
Аризалар ва тижорат таклифларини қабул қилиш муддати: 2026 йил 7 август куни ҳам қўшилган ҳолда.
«Миллий банклараро процессинг маркази» АЖ (HUMO) манфаатдор компанияларнинг таклифларини кўриб чиқишдан мамнун бўлади ва ўзаро манфаатли ҳамкорлик ўрнатишга умид билдиради.
Боғланиш учун:
«Миллий банклараро процессинг маркази» АЖ (HUMO)
Харидлар департаменти
E-mail: tender@nmpc.uz
Телефон: +998 97 131 33 00
