HUMO ish haqi loyihalari dasturiga Garant Bank qo‘shildi
HUMO ish haqi loyihalari dasturi kengayishda davom etmoqda — hamkor banklar qatoriga Garant Bank ham qo‘shildi.
Bu esa yanada ko‘proq xodimlar HUMO ish haqi kartalari orqali kundalik xarajatlarini to‘lashda maxsus takliflardan foydalanishlari mumkinligini anglatadi.
Dastur ishtirokchilari uchun quyidagi imtiyozlar taqdim etiladi:
ATTO terminallari orqali jamoat transportida yo‘l haqini to‘lash summasidan har oy 30% keshbek;
Aksiya davomida rasmiylashtirilgan har bir yangi ish haqi kartasi uchun 15 000 so‘m bonus.
Endilikda dasturga uchta bank qo‘shildi. Ular o‘z mijozlariga HUMO ish haqi kartalaridan foydalanishda qo‘shimcha imtiyozlarni taklif qilmoqda.
Aksiya 2026-yil 31-dekabrgacha amal qiladi.
Hamkorlar tarmog‘ining kengayishi dastur maxsus takliflarini yanada ko‘proq HUMO ish haqi kartalari egalari uchun ochiq qiladi. Garant Bankning dasturga qo‘shilishi hamkor banklar mijozlari kundalik to‘lovlarni amalga oshirishda o‘z kartalaridan foydalanib, yanada ko‘proq imtiyozlarga ega bo‘lishlari yo‘lidagi navbatdagi qadamdir.
Ishtirok etish shartlari, limitlar va mukofotlarni hisoblash tartibi haqida batafsil ma’lumotni Oferta orqali olishingiz mumkin.
Hozirgi vaqtda dasturga uchta bank ulangan:
- Asia Alliance Bank — 2026-yil 20-avgustdan 31-dekabrgacha;
- Asaka Bank — 2026-yil 20-oktabrdan 31-dekabrgacha;
- Garant Bank — 2026-yil 01-noyabrdan 31-dekabrgacha.
