Пластик карта йўқотилган ҳолатда қандай йўл тутиш мумкин?

Картангизни йўқотиб қўйганингиз аниқланганда картангиздан пулларингизни ечиб олмасликлари учун сиз уни дарҳол блокка тушириб қўйинг.
⠀
Сиз картангизни қуйидаги усуллар билан блоклаб қўйишингиз мумкин:
⠀
1.  Агар сизда банкнинг мобил иловаси бўлса ва сизнинг картангиз унга қўшилган бўлса, картангизни мобил илова орқали блокланг.
2.  Мобил илова бўлмаган ҳолларда сиз хизмат кўрсатувчи банкнинг малумот-марказига қўнғироқ қилишингиз ва картангизни блоклаб қўйишингиз мумкин.
3.  Сиз хизмат кўрсатувчи банкка ташриф буюриб ўз картангизни блоклашингиз мумкин. Ёнингизда шахсингизни тасдиқловчи гувоҳнома бўлиши керак, холос.
⠀
Картангиз блоклаб қўйилганидан кейин, Сиз хизмат кўрсатадиган банкда, хизмат ҳақини тўлаган ҳолда (унинг қиймати ҳар бир банкнинг ўзига боғлиқ) картангизни қайта чиқаришингиз керак бўлади. Агар сиз картангизни топиб олган бўлсангиз, уни шунчаки блокдан чиқартирсангиз бўлди.
⠀
Сизнинг эски картангизда бўлган барча маблағларингиз янги картага ўтказилади.
⠀
Шуни ёдда тутингки, картани банкдан қайта чиқартирганингиздан сўнг сиз СМС-хабарлар хизматини янгидан фаоллаштиришингиз зарур бўлади.