HUMO фойдаланувчилари 2026 йилнинг 5 ойи давомида Alipay+ орқали жами 19 млрд сўмдан зиёд халқаро QR-тўловларни амалга оширдилар

HUMO фойдаланувчилари 2026 йилнинг 5 ойи давомида Alipay+ орқали жами 19 млрд сўмдан зиёд халқаро QR-тўловларни амалга оширдилар

HUMO миллий тўлов тизими халқаро Alipay+ орқали QR-тўловлар, “Ант Интернатионал” умумий электрон ҳамёнларни улаш платформаси ривожланишининг оралиқ якунларини чиқарди. 2026 йилнинг биринчи беш ойи давомида фойдаланувчилар Alipay+ орқали 21 мингта транзакция амалга оширдилар, амалиётларнинг умумий ҳажми эса, 19,2 млрд сўмдан ошган.

Alipay+ HUMO картаси эгаларига чет элда бевосита банклар мобил иловалари орқали, одатий тўлов QR-форматларидан фойдаланган ҳолда  товарлар ва хизматлар ҳақини тўлаш имконини беради. Фойдаланувчилар қўшимча иловаларни ўрнатишлари ёки алоҳида рўйхатдан ўтишлари талаб қилинмайди – сервис карта бириктирилган банк иловасида тақдим этилади. Тўлов жорий курс бўйича сўмда амалга оширилади ва амалиёт тасдиқланишидан олдин якуний сумма намоён бўлади.

Бугунги кунда Alipay+ тўловларни қабул қилиш экотизими 220 та мамлакат ва ҳудуддаги 150 миллиондан зиёд савдо-сервис корхоналарини, жумладан 10 дан зиёд миллий тўлов тизимларини қамраб олади. Хизмат кенг шуҳрат қозонган туристик ва амалий йўналишларда, жумладан Хитой, Туркия, БАА, Таиланд, Цингапур, Жанубий Корея, Малайзия, Буюк Британия, Франция, Германия, Италия ва бошқа мамлакатларда ишлайди.

Фойдаланувчилар Alipay+ қабул қилиниши белгиси ўрнатилган дўконлар, ресторанлар, транспорт, сайёҳлик объектлари ва бошқа савдо-сервис корхоналарида Alipay+ ёрдамида харидлар ҳақини тўлашлари мумкин. Тўлов бевосита мобил банк иловаси орқали, QR-код ёрдамида амалга оширилади. Ўзбекистон банклари чиқарган ва банкингиз иловасига қўшилган барча карталар – HUMO, Visa, Mastercard, Unionpay, Uzcard дан тўлов қилиш мумкин.

Бу қандай ишлайди:

1.  Чет элда бўлганингизда банк мобил иловасини очинг;

2.  Сотувчининг Alipay+ логотипи туширилган QR-кодига камерани йўналтиринг;

3.  Тўловни тасдиқланг. Сумма автоматик равишда сўмда, HUMO картасидан ечиб олинади

Халқаро QR-тўловларни ривожлантириш HUMOнинг рақамли молиявий сервислар ҳаммабоплигини кучайтириш ва Ўзбекистон фуқаролари учун ҳам мамлакат ичида, ҳам ундан ташқарида қулай тўлов инфратузилмасини яратиш борасидаги стратегиясининг бир қисми саналади.

HUMO, ўзбекистонлик фойдаланувчилар учун трансчегаравий ҳисоб-китоблар оммабоплигини ошириш мақсадида, халқаро тўловлар имкониятларини ва хорижий шериклар билан ҳамкорликни кенгайтиришда давом этади.

Alipay+ хизматини қўллаб-қувватловчи банкларнинг жорий рўйхати, шунингдек Alipay+ орқали тўлов имконияти мавжуд мамлакатлар ҳамда ҳудудлар рўйхати билан сайтда танишиш мумкин: humoalipay.uz