HUMO, Octobank ва UZINFOCOM Тошкент метрополитенида йўл ҳақини кафт билан тўлашни йўлга қўйди

HUMO, Octobank ва UZINFOCOM Тошкент метрополитенида йўл ҳақини кафт билан тўлашни йўлга қўйди

MyID Palm лойиҳаси HUMO виртуал карталари ёрдамида йўл ҳақини тўлаш имкониятини беради. Ечим HUMO тўлов инфратузилмасини, Octobank банк сервисини ва UZINFOCOM томонидан ишлаб чиқилган MyID биометрик технологиясини бирлаштиради. Йўловчилар йўл ҳақини рўйхатдан ўтган кафт биометрияси ва HUMO виртуал картаси ёрдамида, смартфон ёки жисмоний картани қўлламаган ҳолда  тўлашлари мумкин.

Тошкент метрополитенида кафт биометрияси ва HUMO виртуал картаси ёрдамида йўл ҳақини тўлаш мумкин бўлди. Бу имконият UZINFOCOM компанияси ишлаб чиққан MyID биометрик технологиясига асосланган, Octobank иштирокидаги MyID Palm лойиҳаси доирасида амалга оширилди.

Сценарий йўловчиларга метрополитен турникетидаги махсус терминалга кафтларини яқинлаштириб, йўл ҳақини тўлаш имконини беради. Сервисдан фойдаланиш учун олдин биометрияни рўйхатдан ўтказиш ва HUMO виртуал картасини расмийлаштириш керак бўлади. Шу тариқа, HUMO тўлов инфратузилмаси биометрик технология билан интеграцияланади ва фойдаланувчиларга шаҳар транспортида нақдсиз тўлов тўлашда қўшимча имконият тақдим этади.

Кафт орқали йўл ҳақи қандай тўланади

MyID Palm сервисидан фойдаланиш учун метро бекатидаги MyID Palm инфокиоскида ёки Octobank бўлимида рўйхатдан ўтиш зарур. Идентификациядан ўтилгандан кейин фойдаланувчи кафт биометриясини рўйхатдан ўтказади, HUMO виртуал картасини расмийлаштиради ва унинг фаоллашувини кутади.

Кейин картани тўлдириш талаб этилади. Турникетдан ўтишда йўловчи кафтини махсус терминалга яқинлаштиради, шундан кейин рўйхатдан ўтилган биометрия ва уланган тўлов воситасидан фойдаланилган ҳолда тўлов амалга оширилади.

Бундай тўлов воситаси бевосита турникет олдида карта ёки смартфонни чиқариш заруратидан халос этади. Бунда сервисдан фойдаланишдан олдин рўйхатдан ўтиш ва улашнинг барча босқичларини амалга ошириш лозим.

Биометрик идентификация ва тўлов хавфсизлиги

MyID Palm’ни қўллашдан олдин фойдаланувчи идентификациядан ўтади ва кафт биометриясини рўйхатдан ўтказади. Технология кафт веналарининг индивидуал суратини таниб олади ва йўл ҳақини тўлашда фойдаланувчини идентификациялаш имконини беради. Уланиш учун HUMO виртуал картасини расмийлаштириш ва фаоллаштириш ҳам талаб этилади.

Шу тариқа, тўлов шунчаки кафтнинг терминалга яқинлаштириш фактига эмас, балки фойдаланувчининг рўйхатдан ўтказилган профилига ва унинг HUMO виртуал картасига бириктирилгандир. Бу тўлов жараёнининг қўшимча элементи сифатида биометрик идентификациядан фойдаланиш имконини беради.

HUMO — янги фойдаланувчи сценарийлари учун тўлов инфратузилмаси

Нақдсиз тўловларнинг ривожланиши карталарни қабул қилиш тармоғининг кенгайишинигина эмас, балки тўлов инфратузилмасининг янги технологиялар ва сервислар билан интеграциясини ҳам назарда тутади. MyID Palm лойиҳаси биометрик идентификация кундалик тўлов сценарийларида, жумладан метрополитенда йўл ҳақини тўлашда қандай қўлланилиши мумкинлигини намойиш этади.

“HUMO учун тўлов инфратузилмасининг ривожланиши нафақат нақдсиз тўлов имкониятларини кенгайтиришни, балки замонавий хавфсиз технологияларнинг кундалик сценарийларга интеграциясини ҳам англатади. MyID Palm лойиҳаси тўлов ечимлари биометрик сервислар билан ўзаро алоқада ишлаб, фойдаланувчиларга янги тўлов усулларини таклиф эта олишини кўрсатади. Биз HUMO қўлланилиши имкониятларини кенгайтирувчи ва рақамли тўловларни шаҳар муҳитининг бир қисмига айлантирувчи бундай ечимларни ривожлантиришдан манфаатдормиз”,- қайд этди HUMO Бошқаруви раиси Александр Сотников.

Кундалик ҳаётга интеграцияланган технологиялар

Жамоат транспортида биометриядан фойдаланиш – бу рақамли ечимлар тўлов сервислари билан ўзаро алоқанинг одатий усулларидан анча кенг қамровга эга эканлигига яққол мисолидир. Жисмоний ташувчини тақдим этиш ўрнига фойдаланувчи бирламчи рўйхатдан ўтади, кейин йўл ҳақини тўлаш учун кафт биометриясидан фойдалана олади.

Йўловчилар учун бу йўл ҳақини тўлашнинг қўшимча усули, тўлов инфратузилмаси учун эса – нақдсиз тўловларни қўллашнинг инновацион сценарийсидир. Бундай интеграция рақамли сервислардан фойдаланиш имкониятини кенгайтиради ва Ўзбекистонда замонавий тўлов ечимларини янада кенгайтириш учун замин ҳозирлайди.

HUMO мамлакат тўлов инфратузилмасини ривожлантиришда, нақдсиз тўловларни ҳаммабопроқ, кундалик ҳисоб-китобларни соддароқ ва фойдаланувчи учун қулайроқ қилувчи лойиҳаларда қатнашишни давом эттиради.

Cайт: humocard.uz
Facebook: fb.com/humocard
Instagram: @humo_card
Telegram: t.me/humoofficial
Youtube: @humo_card
Linkedin: linkedin.com/humocarduz