HUMO ва Alipay+ Ўзбекистон бўйлаб фойдаланувчилар учун глобал тўлов имкониятларини тақдим этмоқда
Эндиликда Ўзбекистондаги тадбиркорлар хорижий истеъмолчилардан трансчегаравий ҚР-тўловларни қабул қилишлари мумкин. Бу куни-кеча тузилган ҳамкорлик келишуви доирасида амалга оширилмоқда. Мазкур келишув маҳаллий фойдаланувчиларга бутун дунё бўйлаб тўловларни амалга ошириш имконини беради.
Тошкент, 2026 йил 28 август — Ўзбекистон Республикаси Марказий банки раҳнамолигида ўтказилган Silk Road Finance & Technology Forum 2026 доирасида Ўзбекистон миллий тўлов тизими HUMO ва Ant International компаниясининг электрон ҳамёнлар учун ягона тўлов шлюзи Alipay+ HUMO тўлов инфратузилмасида Alipay+ ишга туширилгани эълон қилинди. Бу маҳаллий тўлов тизимларини глобал савдо имкониятлари билан боғлаш имконини беради.
Ишга тушириш маросимида Ўзбекистон Республикаси Марказий банки раисининг биринчи ўринбосари Нодирбек Сайдуллаев, Ant International президенти Peng Yang ҳамда HUMO бошқаруви раиси Александр Сотников иштирок этдилар.
Алипай+ъга уланган халқаро электрон ҳамёнлар ва банк иловалари фойдаланувчилари эндиликда Ўзбекистонда ҚР-тўловларни амалга оширишлари, маҳаллий тадбиркорлар эса қўшимча созламаларсиз хорижий сайёҳлардан тўловларни қабул қилишлари мумкин. Бу мамлакатга туристлар ва тижорат оқими ортиб бораётган шароитда янги мижозларни жалб қилиш имкониятларини кенгайтиради. Ўзига одатланган илова орқали, янги тўлов воситасига ўтмасдан тўлов қилиш имконияти сайёҳлар дуч келадиган тўсиқлардан бирини бартараф этади ҳамда мамлакат тўлов инфратузилмасини хорижий меҳмонлар учун янада қулай қилади.
Alipay+ ва HUMO ўртасидаги ҳамкорлик 2025 йил октабр ойида бошланган бўлиб, дастлаб HUMO карта эгалари Алипай+ънинг тадбиркорлар учун мўлжалланган глобал экотизими доирасида ўзлари фойдаланадиган банк иловалари орқали Ўзбекистон ташқарисида тўловларни амалга ошириш имкониятига эга бўлди. Эндиликда ҳамкорлик Alipay+ халқаро ҳамкорларининг электрон ҳамёнлари фойдаланувчиларини ҳам қамраб олади: улар UzQR орқали HUMO тўлов инфратузилмасидан фойдаланган ҳолда Ўзбекистонда харидларни амалга оширишлари мумкин.
«Замонавий тўлов бозорини энди фақат миллий чегаралар доирасида кўриб чиқиб бўлмайди. Одамлар саёҳат қилмоқда, компаниялар янги бозорларга чиқмоқда, мамлакатлар ўртасидаги савдо ва сайёҳлик оқимлари эса ўсишда давом этмоқда. Шунга мос равишда тўлов инфратузилмаси ҳам бирдек ривожланиши керак. HUMO учун халқаро стандартларга мослашувчанлик ривожланишнинг асосий йўналишларидан бирига айланмоқда. Бизнинг мақсадимиз — замонавий тўлов имкониятларини ҳам чет элга сафар қилаётган Ўзбекистон фуқаролари, ҳам мамлакатимиз меҳмонлари учун янада қулай ва оммабоп қилиш», — деди HUMO бошқаруви раиси Александр Сотников.
Ўзбекистон учун мазкур лойиҳа рақамли трансформациянинг янги босқичи ва мамлакатнинг сайёҳлик салоҳиятини янада кенг очиб бериш нуқтаи назаридан янада кенгроқ аҳамиятга эга. Глобал рақамли тўловлар экотизимини Ўзбекистоннинг маҳаллий тўлов инфратузилмаси билан бирлаштирган ҳолда, HUMO ва Alipay+ янада очиқ ва қулай рақамли иқтисодиётни шакллантиришга кўмаклашмоқда. Бу бизнес имкониятларини кенгайтириш, хорижий меҳмонларни жалб қилиш ҳамда мамлакатнинг минтақадаги инновациялар, туризм ва савдонинг етакчи марказига айланиш интилишларини қўллаб-қувватлаш имконини беради.
«Рақамли алоқа иқтисодий ўсишнинг кучли катализатори бўлиб, мамлакатларга кўпроқ сайёҳларни қабул қилиш, бизнес имкониятларини кенгайтириш ва глобал иқтисодиётда янада фаол иштирок этиш имконини беради. HUMO билан ҳамкорлик Алипай+ъга Ўзбекистоннинг рақамли тўлов экотизимини жаҳон ҳамжамиятига интеграция қилишга ёрдам бермоқда. Бу мамлакатнинг рақамли трансформацияни жадаллаштириш, молиявий хизматлардан фойдаланиш имкониятларини кенгайтириш ҳамда бизнес ва истеъмолчилар учун янги имкониятлар яратиш борасидаги интилишларини қўллаб-қувватлайди», — деди Ant International компаниясининг катта витсе-президенти ва барқарор ривожланиш бўйича директори Леймин Чен.
Бугунги кунда Alipay+ 50 дан ортиқ рақамли ҳамён ва банк иловаларидаги 2 миллиарддан ортиқ фойдаланувчи аккаунтларини 220 дан ортиқ бозордаги 150 миллиондан ортиқ савдо нуқталари билан, жумладан, 10 та миллий тўлов тизими орқали боғлайди.
HUMO ва Alipay+ ўртасидаги ҳамкорликнинг янги босқичи ишга туширилиши Ўзбекистон тўлов инфратузилмасининг халқаро молиявий ва технологик экотизимга янада кенг интеграциялашувини акс эттиради. HUMO учун халқаро мосликни ривожлантириш миллий тўлов тизими имкониятларини кенгайтириш ҳамда Ўзбекистондаги хорижий сайёҳлар ва мамлакат ташқарисидаги HUMO карта эгалари учун янги тўлов сценарийларини яратишнинг муҳим қисмидир.
HUMO ҳақида
HUMO — Ўзбекистон Республикасининг миллий тўлов тизими ва мамлакат молиявий инфратузилмасининг муҳим таркибий қисми. Тизим нақд пулсиз тўловларни ривожлантиради, ўзининг тўлов инфратузилмасини шакллантиради, замонавий технологик ечимларни жорий этади ҳамда ҚР-тўловлар ва трансчегаравий операцияларни ўз ичига олган тўлов сценарийларини кенгайтириб, рақамли иқтисодиёт ривожига ҳисса қўшади.
Сайт: humocard.uz
Facebook: : fb.com/humocard
Instagram: @humo_card
Telegram: t.me/humoofficial
LinkedIn: linkedin.com/humocarduz
Алипай+ ҳақида
Ant International компаниясининг Alipay+ хизмати — бу трансчегаравий тўловлар ва рақамли хизматларни ўз ичига олган ягона тўлов шлюзи бўлиб, у дунё бўйлаб савдо корхоналарини фойдаланувчилар билан боғлашга ёрдам беради. Хорижга саёҳат вақтида истеъмолчилар ўзлари афзал кўрган тўлов иловаси ёки электрон ҳамёни орқали тўловларни амалга оширишлари, кенг таклифлар орасидан танлашлари ва қулай рақамли хизматлардан фойдаланишлари мумкин. Кўплаб кичик ва ўрта бизнес субъектлари самарадорликни ошириш ва барча савдо каналлари бўйлаб ўсишга эришиш учун Алипай+ънинг рақамли воситаларидан фойдаланмоқда.
Email: pr@ant-intl.com
